Agrupación
Musical Albéniz

90 anos de traxectoria, pondo en valor a música e unindo sensibilidades culturais. Na actualidade mantén un grupo estábel de persoas que conforman a actividade da Orquesta de Pulso e Púa da Agrupación Musical Albéniz.

Agrupación
Musical Albéniz

A Asociación

A Agrupación Musical Albéniz mantén de forma ininterrumpida a súa actividade musical dende o ano 1928, cumprindo os 91 anos de vida.

A orquestra

Esta Orquesta está formada por un total de 29 persoas que ensaian de forma regular no local sede da entidade na Praza de Azcárraga da Coruña.

Forman esta orquesta de plectro, sección de bandurrias, sección de laúdes, sección de guitarras e sección de guitarras baixo.

Dirixe a Orquesta o profesor de Conservatorio Superior de Música da Coruña, Ramón Carnota Méndez.

A programación

No ano 2018, programáronse un total de 12 actuacións musicais. Dentro desta programación anual, a Orquesta pode desenvolver actuacións de forma independente ou, en función dos espazos, combinar a música de plectro coas voces mixtas da sección permanente de voces da Agrupación Musical Albéniz; combinar coa Escola de Música Severiano Estévez en intervencións máis didácticas; ou combinar con artistas convidados coma Lidia Bao, no espéctaculo “Na frente unha estrela, no bico un cantar” ou como Jesús Garabato en “Rosalía e a diáspora”.

A Escola

A Escola de Música Severiano Estévez ten identidade propia e está dirixida por Nuria Varela Garabán, Titulada Superior en Guitarra polo Conservatorio Superior de Música da Coruña.

Participan das actividades da Escola de Música Severiano Estévez un total de 33 alumnos e alumnas.

A programación do exercicio 2019 ten como obxectivo manter o número estábel de actuacións musicais, un total de 12:
6 actuacións en colaboración co Concello da Coruña e 6 actuacións en autoxestión.